புதன், 12 ஜனவரி, 2011

"சிறுத்தை"படத்திற்கு எதிர்ப்பு-நாடார் கட்சியினர் நடிகர் கார்த்திக் -வீட்டு முன்பு ஆர்பாட்டம்.பதிவு-1

பதிவு-1 

     டிகர் கார்த்திக் முதன் முறையாக இரைட்டை வேடங்களில் நடித்து தைப்பொங்களுக்குவெளிவரும்படம் "சிறுத்தை".இப்படத்தில் காவல் துறை அதிகாரியாகவும்-பிக்பாக்கெட்ரவுடியாகவும் இரண்டு வேடங்களில் கார்த்திக் நடித்துள்ளதாக செய்திகள் வருகின்றன.
 
 இதில் பிக்பாக்கெட் ரவுடியின் பெயர் ராக்கெட்ராசா என்று கடந்த தினங்களில் பத்திரிக்கைகளில் செய்தி வெளியானது.அதன் எதிரொலியாக இன்று காலை பத்து மணிக்கு"ராக்கெட்ராசாவை" தலைவராகக் கொண்டு செயல்படும்" நாடார் மக்கள் சக்தி" கட்சியியை சார்ந்த நூற்றுக்கும் மேற்பட்டவர்கள்-தி.நகரில் உள்ள நடிகர் கார்த்திக்கின் வீட்டு முன்பு திரண்டு சிறுத்தை படத்திற்கும்,நடிகர் கார்த்திக்கும் எதிராக கடுமையான கோசங்களைஎழுப்பி ஆர்பாட்டம் செய்தனர்.


 ஆர்பாட்டக்காரர்களை காவல் துறையினர் கைது செய்தனர்.மேலும் "நடிகர் கார்த்திக்"
வீட்டைச் சுற்றிலும்காவல் துறையினர் குவிக்கப்பட்டுள்ளனர். அங்கு கோசமிட்டவர்கள் கூறிய செய்தி-"சமுதாய மோதலுக்கு சிறுத்தை திரைப்படம்
வழி வகுத்து விடக்கூடாது"இந்த திகிலூட்டும் எச்சரிகையின் பின்னனி என்ன?


  நடிகர் கார்த்திக் கொங்கு சமூகத்தை சார்ந்தவர்.அவரது தந்தை நடிகர் சிவகுமார்-பெஸ்ட் இராமசாமி தலைமையிலான கொங்கு நாடு முன்னேற்றக்கழகம்,உ.தனியரசுவின் தலைமையிலான கொங்கு இளைஞர் பேரவை,டி.கே.தீரன் தலைமையிலான கொங்கு தமிழர் பேரவை போன்ற இயக்கங்களுடன் நல்லுறவு கொண்டவர்.மேலும் கொங்கு சமூகத்தில் நடிகர் சிவகுமாரின் குடும்பத்திற்கு நல்ல செல்வாக்கும்,மரியாதையும் 
உண்டு என்பது குறிப்பிடத்தக்கது.

 இப்பிரச்சனை தொடர்பாக சிறுத்தை படத்தின் தயாரிப்பாளர் ஞானவேல்ராசன் 
கூறியது."சிறுத்தை படத்தில் மாற்றம் என்ற பேச்சுக்கே இடம் இல்லை"மேலும் "ராக்கெட்ராசாவின் பாத்திரத்தன்மை புரியாமல் நாடார் கட்சியினர் பெரிது படுத்துகிறார்கள்.படம் வெளியானால் உண்மைத்தன்மை புரியும்"என்று சொல்கிறார்.


  "சிறுத்தை"படத்தின் சர்ச்சையால் கொங்கு-நாடார் சமூகத்தின் ஊடாக சாதீயா மோதலுக்கு அச்சாரம் அமைக்காமல் இருந்தால் சரி.
  
சரி!யார் இந்த "ராக்கெட்ராசா"?-இந்த நிழல் தாதாவின் கதையை-பதிவு-2ல் தொடர்கிறேன். 
 தீரன்சின்னமலை-சமூக,அரசியல்,சுற்றுச்சூழல்,குற்றவியல்,புலனாய்வு 
செய்தி பதிவிற்காக- டி.கே.தீரன்சாமி.
best links in tamil
More than a Blog Aggregator

0 கருத்துகள்:

இந்த கேஜெட்டில் பிழை உள்ளது.